ଖୋର୍ଦ୍ଧା ଗୁରୁଜଙ୍ଗ ଗୁଳିମାଡ଼ ଘଟଣାର ମୁଖ୍ୟ ଅଭିଯୁକ୍ତ ଗିରଫ : ବନ୍ଧୁକ ଓ ଗୁଳି ଜବତ
ଖୋର୍ଦ୍ଧା : ୨୭/୦୨/୨୦୨୧ : ଖୋର୍ଦ୍ଧା ଗୁରୁଜଙ୍ଗ ଅଞ୍ଚଳରେ ହୋଇଥିବା ଗୁଳିମାଡ ଘଟଣାର ମୁଖ୍ୟ ଅଭିଯୁକ୍ତ ଖୋର୍ଦ୍ଧା ଆଦର୍ଶ ଥାନା ପୋଲିସ ଦ୍ୱାରା ଗିରଫ। ଗତ ବର୍ଷ ଡିସେମ୍ୱର ଆଠ ତାରିଖରେ ଗୁରୁଜଙ୍ଗ ନୂଆଗାଁ ରାସ୍ତାରେ ଗାଡି ସାଇଟ ମାରିବାକୁ ନେଇ ଗୁରୁଜଙ୍ଗ ମଝି ସାହିର ସନ୍ତୋଷ କୁମାର ସାହୁ ଙ୍କ ଉପରେ ହୋଇଥିବା ଗୁଳିମାଡ ଘଟଣାରେ ଅଭିଯୁକ୍ତ ବତିଶି ବର୍ଷୀୟ ଦୀପକ କୁମାର ପ୍ରଧାନ ଓରଫ ଦିପୁକୁ ବିଶେଷ ସୂତ୍ରରୁ ଖବର ପାଇ ଗିରଫ କରିଛି ଆଦର୍ଶ ଥାନା ପୋଲିସ । ଖୋର୍ଦ୍ଧା ପୋଲିସ ଦ୍ୱାରା ଏହି ଘଟଣାର ତଦନ୍ତ କରାଯାଇ ପୂର୍ବରୁ ଆଠଟି ବାଇକ ସହିତ ଘଟଣାରେ ସଂପୃକ୍ତ ଅନ୍ୟ ଚାରିଜଣ ଅପରାଧିଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।। କିନ୍ତୁ ଘଟଣାର ମୁଖ୍ୟ ଅଭିଯୁକ୍ତ ଦିପୁ ଦୀର୍ଘ ଦିନ ଧରି ଫେରାର ଥିଲା । ଅଭିଯୁକ୍ତ ସମ୍ପର୍କରେ ସୂଚନା ମିଳିବା ପରେଏକ ସ୍ୱତନ୍ତ୍ର ଟିମ ଗଠନ କରି ପୋଲିସ ଖୋର୍ଦ୍ଧା ଉପକଣ୍ଠ କୁମାରବସ୍ତ ଗ୍ରାମରୁ ଦିପକ କୁମାର ପ୍ରଧାନକୁ ଗିରଫ କରିଛି ।
ଗିରଫ ସମୟରେ ଅଭିଯୁକ୍ତ ଠାରୁ ଏକ ଦେଶୀ ବନ୍ଧୁକ ଓ ଦୁଇଟି ଜିବନ୍ତ ଗୁଳି ଜବତ ହୋଇଛି । ସେହିପରି ଦୀପକ ନାମରେ ଆଗରୁ ବିଭିନ୍ନ ଥାନାରେ ଅନେକ ଅପରାଧିକ ମାମଲା ସହିତ ହତ୍ୟାକାଣ୍ଡ ଭଳି ମାମଲା ରହିଛି । ସେ ଅନ୍ୟ ଏକ ମାମଲାରେ ଜେଲରେ ସଜ୍ଜା କାଟୁଥିବା ବେଳେ ଜାମିନରେ ଅ।ସି ଏହି ଗୁଳିକାଣ୍ଡ ଘଟାଇଥିବା ଖୋର୍ଦ୍ଧା ଏସ୍ଡିପିଓ ଶୁସିଲ ମିଶ୍ର ଆଜି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
