ଷ୍ଟେଟ ବ୍ଯାଙ୍କ ଦ୍ଵାରା କୋଣାର୍କ କ୍ୟାନ୍ସର ଫାଉଣ୍ଡେସନକୁ ଆମ୍ବୂଲାନ୍ସ ଦାନ

ଭାରତୀୟ ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳ ଦ୍ଵାରା ତା 22 ମାର୍ଚ 2023 ଦିନ କୋଣାର୍କ କ୍ୟାନ୍ସର ଫାଉଣ୍ଡେସନକୁ ଏକ ଆମ୍ବୁଲାନ୍ସ ଦାନ କରାଯାଇଛି । କୋଣାର୍କ କ୍ୟାନ୍ସର ଫାଉଣ୍ଡେସନ ଓଡିଶାର କ୍ୟାନ୍ସର ରୋଗୀମାନଙ୍କୁ ସମସ୍ତ ପ୍ରକାର ସହଯୋଗ ଯୋଗାଇବାରେ ଅଗ୍ରଣୀ ଭୂମିକା ଗ୍ରହଣ କରିଛି । ୟୁନିଟ 1 ସ୍ଥିତ ଷ୍ଟେଟ ବ୍ଯାଙ୍କ ଭୁବନେଶ୍ବର ଜୋନ କାର୍ଯ୍ଯାଳୟ ପ୍ରାଙ୍ଗଣରେ ଷ୍ଟେଟ ବ୍ଯାଙ୍କ ଭୁବନେଶ୍ବର ମଣ୍ଡଳର ମୁଖ୍ୟ ମହାପ୍ରବନ୍ଧକ ଶ୍ରୀ ଚନ୍ଦର ଶେଖର ଶର୍ମା ଆନୁଷ୍ଠାନିକ ଭାବେ ଆମ୍ବୁଲାନ୍ସର ଚାବି କୋଣାର୍କ କ୍ୟାନ୍ସର ଫାଉଣ୍ଡେସନ୍ ର କାର୍ଯବାହୀ ଟ୍ରଷ୍ଟୀ ଶ୍ରୀ ଅରୂପ ମୋହନ ପଟ୍ଟନାୟକଙ୍କୁ ହସ୍ତାନ୍ତର କରିଥିଲେ । ଏହି ଅବସରରେ ଷ୍ଟେଟ ବ୍ଯାଙ୍କ ମହାପ୍ରବନ୍ଧକ (ନେଟୱର୍କ -1 ) ଶ୍ରୀ ପି ମୁରୂଗନ , ମଣ୍ଡଳ  ବିକାଶ ଅଧିକାରୀ ଶ୍ରୀ ମନୋଜ କୁମାର ସିଂ, ଭୁବନେଶ୍ବର ଜୋନ ଉପ ମହାପ୍ରବନ୍ଧକ ଶ୍ରୀ ସଞ୍ଜୟ କୁମାର ଝା , ବିପଣନ ଓ ସମ୍ପ୍ରେଷଣ ବିଭାଗ ଉପ ମହାପ୍ରବନ୍ଧକ ଶ୍ରୀ ଅମରେଶ ଦାସ , ଷ୍ଟେଟ ବ୍ଯାଙ୍କ ପ୍ରଶାସନିକ କାର୍ଯ୍ଯାଳୟ ଓ କୋଣାର୍କ କ୍ୟାନ୍ସର ଫାଉଣ୍ଡେସନର ଅଧିକାରୀ ଓ କର୍ମଚାରୀ ବୃନ୍ଦ ମଧ୍ୟ ଉପସ୍ଥିତ ଥିଲେ ।