ଦୁଇ ବାଲ୍ୟ ବିବାହ ବନ୍ଦ

ଚାଇଲ୍ଡ୍ ଲାଇନ୍ ଓ ପୋଲିସ ଚଢଉ
ଦୁଇ ବାଲ୍ୟ ବିବାହ ବନ୍ଦ
ନୟାଗଡ଼଼, (ପ୍ରବାହ ନ୍ୟୁଜ୍‌): ନୟାଗଡ଼ ଜିଲ୍ଲା ପ୍ରଶାସନ ତରଫରୁ ଏବଂ ବିଭିନ୍ନ ସଂସ୍ଥା, ସଂଗଠନମାନଙ୍କରେ ବାଲ୍ୟ ବିବାହ ବନ୍ଦ କରିବା ପାଇଁ ବିଭିନ୍ନ ପ୍ରକାରର ନାରା ଦେଇଆସୁଥିବା ବେଳେ ଜିଲ୍ଲାରେ ଥମିବାର ନା ଗନ୍ଧ ନାହିଁ । ତେବେ ଏହି ବାଲ୍ୟ ବିବାହ ହେବା ଦ୍ୱାରା ଜିଲ୍ଲା ପ୍ରଶାସନ କିମ୍ବା ବିଭିନ୍ନ ଏନ୍‌ଜିଓ ସଂସ୍ଥାରେ ତୃଟି ଥିବା ପରିଲିକ୍ଷିତ ହେଉଛି । ଯାହା ହଉ ରବିବାର ଦିନ ସିଡିପିଓ, ଚାଇଲ୍ଡ୍ ଲାଇନ୍ ସଦସ୍ୟ ଓ ପୋଲିସ୍ ପହଞ୍ôଚ ଗୋଟିଏ ଦିନରେ ଦୁଇଟି ବାଲ୍ୟ ବିବାହ ରୋକିବାରେ ସକ୍ଷମ ହୋଇପାରିଛି । ଜଣେ ୧୫ବର୍ଷିୟା ନାବାଳିକାଙ୍କୁ କଇଁଥଗାଡିଆ ଅଞ୍ଚଳର ପରିବା ଦୋକାନୀ ମନୋରଂଜନ ମହାନ୍ତି(୨୭)ଙ୍କ ସହିତ ୧୩ତାରିଖ ସୋମବାର ଦିନ ବିବାହ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ନିଷ୍ପତ୍ତି ନିଆଯାଇଥିଲା । ତେବେ ଖବର ପାଇ ଚାଇଲ୍ଡ ଲାଇନ୍ ସଦସ୍ୟ ଏବଂ ଇଟାମାଟି ପୋଲିସ୍‌କୁ ନେଇ ନାବାଳିକାର ଗାଁରେ ଚଢଉ କରି ଉଦ୍ଧାର କରିଥିଲା । ସେହିପରି ଓଡ଼ଗାଁ ଅଞ୍ଚଲରେ ମଧ୍ୟ ଜଣେ ୧୬ବର୍ଷିୟା ନାବାଳିକାଙ୍କ ବିବାହ କରିବା ନିମନ୍ତେ ଆୟୋଜନ କରାଯାଇଥିବା ବେଳେ ଓଡ଼ଗାଁ ପୋଲିସ୍ ଓ ଚାଇଲ୍ଡ ଲାଇନ୍ ସଦସ୍ୟ ପହଞ୍ôଚ ବିବାହ ବନ୍ଦ କରିଥିଲେ । ତେବେ ପ୍ରଶାସନ ତରଫରୁ ବାଲ୍ୟ ବିବାହ କରୁଥିବା ପରିବାର ଉପରେ ମାମଲା ରୁଜୁ କରାଯାଉନଥିବା ଯୋଗୁଁ ଦିନ କୁ ଦିନ ବାଲ୍ୟ ବିବାହ ନୟାଗଡ଼ ଜିଲ୍ଲାରେ ଦୃତ ଗତିରେ ବଢି ଚାଲିଥିବା ବୁଦ୍ଧିଜୀବି ମହଲରେ ଚର୍ଚ୍ଚା ହୋଉଛି । ଯଦି ଜିଲ୍ଲା ପ୍ରଶାସନ ବିଭାଗୀୟ ଅଧିକାରି ଓ ଏନ୍‌ଜିଓ ସଂସ୍ଥାରେ ଉପରେ ଦୃଷ୍ଟି ନିକ୍ଷେପ କରନ୍ତେ ତେବେ ଜିଲ୍ଲାରୁ ବାଲ୍ୟ ବିବାହ ପ୍ରଥା ଲୋପ ପାଇବ ବୋଲି ଆଲୋଚନା ହେଉଛି । ତେଣୁ ଜିଲ୍ଲାପାଳ ବଲ୍ୟ ବିବାହ ଉପରେ ଦୃଷ୍ଟି ଦେବା ପାଇଁ ସାଧାରଣରେ ଦାବି ହେଉଛି ।