ଜେଏସଡବ୍ଲୁ ଷ୍ଟିଲ, ଓଡିଶା ଖଣି ବିଭାଗ ପକ୍ଷରୁ ୭୫ତମ ଗଣତନ୍ତ୍ର ଦିବସ ପାଳନ
ଭୁବନେଶ୍ୱର / ଯୋଡା, ୨୭ ଜାନୁଆରୀ ୨୦୨୪: ଜେଏସଡବ୍ଲୁ ଷ୍ଟିଲ ଶୁକ୍ରବାର ଦିନ ଓଡିଶାର ନିଜର ସମସ୍ତ ସ୍ଥାନରେ ୭୫ ତମ ଗଣତନ୍ତ୍ର ଦିବସ ପାଳନ କରିଛି ।
ଗଣତନ୍ତ୍ର ଦିବସ ପାଳନ ଜେଏସଡବ୍ଲୁ ଜଜାଙ୍ଗ ଗେଷ୍ଟ ହାଉସ, ଭଦ୍ରାସାହି ଅଫିସ, ନୁଆଗାଁ ମାଇନ୍, ନାରାୟଣପୋଶି ମାଇନ୍, ଗାନୁଆ ମାଇନ ସମେତ ଭୁବନେଶ୍ୱର ଏବଂ ଜଜପୁର କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା ।
ଜେଏସଡବ୍ଲୁ ଷ୍ଟିଲର ଆଭ୍ୟନ୍ତରୀଣ ଅଡିଟ୍ ଏବଂ ରିସ୍କ୍ ମ୍ୟାନେଜମେଂଟ ମୁଖ୍ୟ, ଶ୍ରୀ ହରେଶ ଦୁଆ, ଜେଏସଡବ୍ଲୁ ଜଜାଙ୍ଗ ଗେଷ୍ଟ ହାଉସ ଉତ୍ସବରେ ସମ୍ମାନଜନକ ଅତିଥି ଭାବରେ ଯୋଗ ଦେଇଥିଲେ । ସେ କମ୍ପାନୀର ଅନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଜାତୀୟ ପତାକା ଉତୋଳନ କରିଥିଲେ ।
ବରିଷ୍ଠ ଅଧିକାରୀ ଏବଂ ଖଣି ପରିଚାଳନା ଟିମ ସମସ୍ତ ଅଂଶଗ୍ରହଣକାରୀଙ୍କୁ ଶୁଭେଚ୍ଛା ଜଣାଇଥିଲେ ଏବଂ ବିବିଧତାର ସ୍ୱାଧୀନତା, ସମାନତା ଏବଂ ଏକତାର ଆଦର୍ଶକୁ ସମର୍ଥନ କରୁଥିବା ଦେଶର ଅଂଶ ହୋଇଥିବାରୁ ସେମାନେ କୃତଜ୍ଞତା ଜଣାଇଥିଲେ ।
ଜଜାଙ୍ଗରେ, ଉତ୍ସବର ମୁଖ୍ୟ ଆକର୍ଷଣ ଥିଲା ସାଂସ୍କୃତିକ ସଂନ୍ଧ୍ୟା ଯାହାକି କର୍ମଚାରୀମାନଙ୍କ ଦ୍ୱାରା ପ୍ରଦର୍ଶିତ ହୋଇଥିଲା । ଜାତୀୟ ବୀରମାନଙ୍କ ଉପରେ କ୍ଷୁଦ୍ର ଦେଶଭକ୍ତି ନାଟକ ଏବଂ ସୈନ୍ୟବାହିନୀରେ ମହିଳାଙ୍କ ଅବଦାନ ଉପସ୍ଥିତ ଲୋକଙ୍କୁ ବେଶ ଉତ୍ସାହିତ କରିଥିଲା ।
ଭାରତୀୟ ସମ୍ବିଧାନ ଉପରେ ଏକ କୁଇଜ୍ ପ୍ରତିଯୋଗିତା ମଧ୍ୟ ଦର୍ଶକଙ୍କ ପାଇଁ କରାଯାଇଥିଲା । ଯେଉଁମାନେ ସଠିକ୍ ଉତର ଦେଇଥିଲେ ସେମାନଙ୍କୁ ପୁରସ୍କାର ପ୍ରଦାନ ମଧ୍ୟ କରାଯାଇଥିଲା ।
ପୁରସ୍କାର ବିତରଣ ଉତ୍ସବରେ ସୁରକ୍ଷା ଏବଂ ଅଗ୍ନିଶମ କର୍ମଚାରୀଙ୍କୁ ଉତ୍ସର୍ଗୀକୃତ ତଥା ଆଦର୍ଶ ସେବା ପାଇଁ ସମ୍ମାନିତ କରାଯାଇଥିଲା । ଶେଷରେ ଧନ୍ୟବାଦ ଅର୍ପଣ ସହିତ ଉତ୍ସବଟି ସମାପ୍ତ ହୋଇଥିଲା ।
