୪୧ତମ ଓଡ଼ିଶା ମେଟାଲି ଫେରସ ଖଣି ସୁରକ୍ଷା ସପ୍ତାହ ଅନୁଷ୍ଠିତ

ଭୁବନେଶ୍ୱର/ବଡ଼ବିଲ, ଜାନୁଆରୀ ୨୦, ୨୦୨୪ : ୪୧ତମ ଓଡ଼ିଶା ମେଟାଲିଫେରସ ଖଣି ସୁରକ୍ଷା ସପ୍ତାହର ଅନ୍ତିମ ଦିବସର ଉତ୍ସବ କେଉଁଝର ଜିଲ୍ଲାର ସେଂଟ୍ରାଲ ଗ୍ରାଉଣ୍ଡ, ଏସଏମପିଏଲ, ସୋୟାବ୍ଲି, ବଡ଼ବିଲ ଠାରେ ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି । ଏହି ଦିନିକିଆ କାର୍ଯ୍ୟକ୍ରମ ଭୁବନେଶ୍ୱର ଅଂଚଳର ଖଣି ମହାନିର୍ଦ୍ଦେଶାଳୟଙ୍କ ଅଧିନସ୍ଥ ଓଡ଼ିଶା ଖଣି ବିଭାଗ ଜେଏସଡବଲ୍ୟୁ ଷ୍ଟିଲ ଲିମିଟେଡ ଦ୍ୱାରା ଆୟୋଜିତ ହୋଇଥିଲା ।

ଖଣି ସୁରକ୍ଷା ବିଭାଗର ମହାନିର୍ଦ୍ଦେଶକ ପ୍ରଭାତ କୁମାର ମୁଖ୍ୟ ଅତିଥି ଭାବେ ଯୋଗ ଦେଇ ଖଣି ନରାପତା କାର୍ଯ୍ୟକ୍ରମକୁ ସମସ୍ତ ଖଣିମାଲିକମାନେ ପାଳନ କରୁଥିବା ନେଇ ପ୍ରଶଂସା କରିଥିଲେ । ସେ କହିଥିଲେ ଯେ ଖଣିର ଆଖପାଖ ଅଂଚଳର ସୁରକ୍ଷା ସବୁଠାରୁ ଗୁରୁତ୍ୱପୂର୍ଣ୍ଣ ପାରାମିଟର । ଖଣିମାଲିକ ମାନେ ଏଥିପ୍ରତି ସଚେତନ ରହିବା ଉଚିତ । ଆଗାମୀ ଦିନରେ ସୁରକ୍ଷା ବ୍ୟବସ୍ଥାକୁ କିପରି ଅଧିକ ଉନ୍ନତ କରାଯାଇପାରିବ ଏହା ଉପରେ ସେ ମତାମତ ଲୋଡ଼ିଥିଲେ ।

ପ୍ରାୟ ୧୧୦ ଖଣି ଓ ୭୫ କଂଟ୍ରାକ୍ଟର ପ୍ରତିନିଧି ଏହି କାର୍ଯ୍ୟକ୍ରମରେ ଭାଗ ନେଇଥିଲେ ଓ ଖଣି ନରାପତା ଉପରେ ନିଜ ନିଜର ମତ ଉପସ୍ଥାପନ କରିଥିଲେ । କାର୍ଯ୍ୟକ୍ରମରେ ୟୁନିୟନର ପ୍ରତିନିଧି ତଥା ବିଭିନ୍ନ କଂପାନି ଅଧିକାରୀ ସମେତ ୫୦୦ରୁ ଅଧିକ ଲୋକ ଉପସ୍ଥିତ ଥିଲେ ।
ଡେପୁଟି ଡାଇରେକ୍ଟର ଜେନେରାଲ ଏସଡି ଚିଡାୱାର ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଅନ୍ୟାନ୍ୟ ବ୍ୟକ୍ତି ମାନଙ୍କ ଭିତରେ ସୌଭିକ ମଜୁମଦାର, ସିଓଓ, ମାଇନସ ଡିଭିଜନ, ଜେଏସଡବଲ୍ୟୁ ଷ୍ଟିଲ ଲିମିଟେଡ, କୃଷ୍ଣେନ୍ଦୁ ମଣ୍ଡଲ (ଡିଏମଏସ ଭୁବନେଶ୍ୱର ରିଜିଅନ-୧), ପିଆର ଠାକୁର (ଡିଏମଏସ ଭୁବନେଶ୍ୱର ରିଜିଅନ-୨), ରତ୍ନାକର ଶୁଙ୍କି (ଡିଏମଏସ ମେକାନିକାଲ ରାଂଚି), ମହେଶ୍ୱର ରେଡି କନାଲା, ଶଙ୍କର୍ଷଣ ବେହେରା, ବିକାଶ ଗୋବିନ୍ଦରାଓ ମେସ୍ରାମ, ଟି ହରିପ୍ରସାଦ ଓ ଟି ଶିବ ଶଙ୍କର ପ୍ରମୁଖ ଯୋଗ ଦେଇଥିଲେ ।
ସୌଭିକ ମଜୁମଦାର, ସିଓଓ ମାଇନସ, କହିଥିଲେଯେ ଖଣି ତଥା ଗୃହରେ ନରାପତା ରକ୍ଷା କରିବା ସମସ୍ତଙ୍କ ପାଇଁ ଜରୁରି । ସୁରକ୍ଷା ପ୍ରଥମେ ଘରୁ ଆରମ୍ଭ ହୋଇଥାଏ ତେଣୁ ଆମେ କାର୍ଯ୍ୟ କରୁଥିବା ପରିବେଶକୁ ସୁରକ୍ଷା ରଖିବା ଦରକାର ।

ସୁରକ୍ଷା ସପ୍ତାହ ଅବସରରେ ଅନେକ ଗୁଡ଼ିଏ ପ୍ରତିଯୋଗିତା ବିଭିନ୍ନ ବର୍ଗରେ ଆୟୋଜିତ ହୋଇଥିଲା । ଯେଉଁମାନେ ସଫଳ ହୋଇଥିଲେ ସେମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଅଭିନବ ପୋଷ୍ଟର ତିଆରି,ସ୍ଳୋଗାନ ଓ ସର୍ବୋତମ ଲୋଗୋ ପାଇଁ ଏହି ପୁରସ୍କାର ଦିଆଯାଇଥିଲା ।
ଏହା ଉଲ୍ଲେଖର ବିଷୟଯେ ଖଣି ଉଦ୍ୟୋଗରେ ଦୃଷ୍ଟାନ୍ତ ମୂଳକ କାର୍ଯ୍ୟ ଲାଗି ଶ୍ରୀ ଏନଡି ରାଓଙ୍କୁ ତାଙ୍କର ଜୀବନବ୍ୟାପୀ ସଫଳତା ପାଇଁ ପୁରସ୍କାର ପ୍ରଦାନ କରାଯାଇଥିଲା । ଶେଷରେ ସାଂସ୍କୃତିକ କାର୍ଯ୍ୟକ୍ରମ ପରିବଷେଣ କରାଯାଇଥିଲା ।